ذهب الليل طلع الفجر والعصفور ثوثو

قلق العجوز عالصبي صار له يومين مابان

دخل عليه فقعدته يسأل عليه يكلمه

شاف انه مشغول لشوشتهى لوحة وقلم والوان

سأله ياولد ولدي ايه اللي راح ترسمه؟

الواد من كتر قهره لسانه مش ظابط

لو جه يقول كلمتين تلقي الحروف ظاطت

رد عليه الصبي ياجدي برسم ثوْ..ياجدي برسم ثوْ..

يابني تغيب يومين بعدين تيجي تصوصو!!

ياجدي افهم بقي وسبني اخلق ثوْ

بص العجوز في اللوحة ماشفش فيها نور

يبقى انت ياحفيدي أكيد بترسم ثور؟

تحلم وترسم شي قوي تتحدى بيه العوْ

هز الوله راسه لأه "ياجدي برسم ثوْ"

بص العجوز من تاني لمح بعينه يادوب

حاجه بيضا ونضيفة قال له بترسم ثوب؟

نفسك يكونلك ثوب جديد يلمع عليه الضو

هز الولد برضو لأه "ياجدي برسم ثوْ"

حيرتني وغلب حماري وماراح يجيني نوم

ثوْثوْ! تكونش يا ابني قاعد بترسم ثوم؟

الثوم يقّوي قلبك والفته بيه تحلوْ

قفش الوله وصاح في جده "والله برسم ثوْ"

شاله العجوز من دماغه ونسيه شهور وايام

قال لما اسيبه يشتغل براحته لو مرة

جاله بعد غيبة الصبي وفي يده لوحة تمام

شهق العجوز مالفرح "الواد رسم ثورة"